Grupong sentro nag martsa rally atol sa Labor Day

NAGPAHIGAYON og Martsa Rally ang progresibong grupo nga Sentro sa pagpanguna sa ilang Regional Coordinator nga si Herbert Demos.

Sumala kay Demos nga daghan sila og reklamo batok sa taga Gobyerno luwas sa isyu sa panarbaho anaa usab sa Peace and Order.

Subay sa ilang gipanghatag nga kopya sa opisyal nga pamahayag sa grupong Sentro ng mga Nagkakaisa at Progresibong Manggagawa nga kabahin sa Nagkakaisa Labor Coalition ang ilang ginasaulog mao ang International Labor Day.

Ang ilang demand mao ang usbaw sa suholan, desinte nga panarbaho ug pagtahod sa katungod sa union.

Sumala sa usa ka Youth Coordinator nga si Joshua Taculod nga gamay daw kayo ang tan-aw sa mga mamumuo bisan kon dili molambo ang usa ka negosyo kon wala ang mga trabahante nga maoy naga painit, pasingot, paulan ug nagapulaw sa trabaho.

Kahibaluan nga ang Mayo 1 subay sa Labor Advisory nga gilagdaan ni DOLE Secretary Bienvenido Laguesma usa ka regular holiday ug ang nitrabaho doble ang suhol.

Sa rehiyon 12 ang minimum nga suhol sa non agriculture sector anaa sa P368 samtang sa agriculture ug retail establishement anaa sa P347. I Ver Diazon

Leave a Reply

Your email address will not be published. Required fields are marked *