Gumagamit ng ipinagbabawal na gamot patuloy na minominotor ng Bantay Familia sa Naga

NAGA CITY – Regular ang ginagawang counseling sa mga Persons Who Use Drugs ng Bantay Familia lalo na ang mga sumasailalim sa After Care Program para tuluyang makalimutan ng mga ito ang pagkalulong sa illegal drugs.

May mga activities na ipinatutupad sina Toti Importante na siyang head ng Naga City Dangerous Drugs Board para sa mga PWUDS kaagapay naman ang Bantay Familia.

Una ng nabanggit ni Importante na may mahigit pang isang libong PWUDS ang nasa After Care Program nila.

Kaugnay nito, inihayag naman ni City Councilor Gilda Gayle Abonal-Gomez, registered Psychologist at siya namang chairman ng Committee on Family and Children sa konseho na may mga assessment silang ginagawa sa mga ito para malaman ang recovery status nila.

Aniya isa ang City Social Welfare and Development Office sa may malaking papel sa recovery program na ginagawa nila sa mga PWUDS.

Tiniyak niya na ang lahat ng mga kailangan ng mga ito ay naibibigay nila,sa pamamagitan na rin ng suporta ng city government.

Leave a Reply

Your email address will not be published. Required fields are marked *