Habal-habal hapit na mahimong legal sa syudad

Aprubado na ika-tulo ug pinal nga pagbasa ang balaudnon nga nag-legalized sa operasyon sa mga motorcycle taxis o habal-habal sa syudad atol sa sesyon sa miaging Martes.

Sumala kang City Councilor Danilo Dayanghirang, tumong sa ordinansa nga mahimong hapsay ug luwas ang operasyon sa mga nahisgutan ilabi na karong panahon sa pandemya. 

Gilatid sa ordinansa nga kinahanglan misubay sa rekisitos nga gitakda sa Land Transportation Office sama sa registration ug official receipt sa habal-habal unit, lisensya sa pagmaneho lakip na ang tinuig nga pagbayad sa license fee sa City Treasurer’s Office balor P500, ug ubang regulatory fees ug charges lakip usab ang pag-secure og compulsory third-party liability (CTPL) insurance, passenger’s common carrier insurance.

Unod usab sa balaud ang pag-require sa color-coded helmet depende sa ruta kung asa ang City Transport and Traffic Management Office maoy modetermina niini.

Aron mahimong patas sa ubang PUV’s, dili tugutang makaoperate ang mga habal-habal sa mga lugar nga dunay saktong transportasyon gawas na lamang panahon sa emerhensiya sama sa refuel, change oil ug uban pa.

Duha ka pasahero lamang ang pwedeng isakay sa  habal-habal ug ibawal ang 9-anyos paubos samtang ang lapas sa maong edad hangtud 15-anyos tugtan basta kauban anh ginikanan o guardian. Ang mga penalidad nga ipahamtang ang gisubay sa Section 28 sa Ordinance No. 04-10-10 o “Tricycle for Hire Code of Davao City.BNFM-DAVAO

Leave a Reply

Your email address will not be published. Required fields are marked *