MOKABAT sa 44,681 ang kinatibuk-ang personahe nga nagsumite sa ilang certificate of candidacy (COCs) atol sa weeklong nga filing bag-o ang barangay ug Sangguniang Kabataan Election (BSKE) sa Oktubre 30.
Gibutyag nga mas taas ang numero sa mga nag-file karong tuiga nga BSKE tandi filing lima katuig ang milabay, butyag ni Atty. Jose Villanueva, assistant regional director sa Comelec-12. Sa datus, naa sa 2,828 ang nag-file alang sa pagka-kapitan, 24,540 sa pagka-kagawad, 3,024 ang alang sa pagka-SK chairperson samtang 14,289 ang pagka-SK councilors.
Ang rehiyon-12 ang dunay 1,096 kinatibuk-ang barangay ug mao usab ang ihap ang ilogan sa mga molansad isip SK chairperson. Una nang gibutyag sa opisyal nga nahimong hapsay ang unom kaadlaw nga pag-file og COC sa kinatibuk-an sa rehiyon, luyo sa nahitabong pagpamusil patay sa mokandidato sa pagka-kapitan sa probinsiya sa Cotabato.
Ang mga nag-file ang makonsidera na nga kandidato, apan gitugotan silang manguyab o mangampanya sa Oktubre 19 hangtud 28. I Richel Gubalani