Aabot na sa halos 600 na mga police generals ang nagsipag-sumite na ng kani-kanilang mga courtesy resignations bilang bahagi ng internal cleansing sa hanay ng Philippine National Police (PNP).
Ayon kay Interior Secretary Benhur Abalos, 60% ito ng higit sa 900 mga full colonels at PNP generals na hiniling niyang magbitiw na sa puwesto para magkaroon ng bagong simula sa Kapulisan.
Sa panayam, kinumpirma ng Kalihim na sa pagsasagawa ng kanilang verification process – lumabas na ang ilan sa mga nag-resign ay positibong sangkot sa kalakaran ng iligal na droga.
Napag-alaman ding nasa P7Billion na halaga ng mga ipinagbabawal na gamot ang ‘di umano’y ino-operate na sangkot ang mga pulis.
Samantala, nilinaw naman ng Kalihim na hanggat hindi pa tinatanggap ang resignation ng mga opisyal – tuloy pa rin ang kanilang serbisyo.
Target ng DILG na matanggap ang courtesy resignations bago matapos ang buwan ng Enero.
#
