HALOS bakunado na batok Covid-19 ang tanang pulis sa Soccsksargen region dungan sa gipakusog nga vaccination drive.
Matud ni PLt.Col. Maria Joyce Birrey, tigpamaba sa Police Regional Office (PRO) 12 naa na lang sa 50 ka pulis ang wala pa nabakunahan.
Apan naka-schedule na ang mga nahisgotan sa mga LGU’s nga mabakunahan batok sa Covid-19.
Sa 7,944 kinatibuk-ang pulis sa PRO-12 bakunado na batok sa virus ang 7,894.
Mokabat sa kapin kulang 5,000 ang bakunado fully vaccinated samtang naa sa 2,000 kapin ang nakadawat sa unang dose sa bakuna.
Una nang, migula sa datus sa PRO-12 nga gikan sa pagsugod sa pandemya atong Marso 2020 miskaa na sa 952 ka personahe ang natakboyan sa virus.
Asa sagad sa mga kaso ang ‘asymptomatic’ ug kasagaran ang nakarekober na sa sakit ug nabakunahan na.
Kasagaran usab sa natakboyan sa virus mao ang mga personahe nila nga nadestino sa checkpoints ug uban pang frontline assignments. – Richel Gubalani