LEGAZPI CITY – Tatawan nin first aid rescue patrol cars an nasa 195 na mga barangay sa ikaduwang distrito kan Albay sa masunod na taon.
An rescue vehicles, magigin dakulang tabang sa mga barangay nin huli ta mas mapaparekas na an pagdara kan mga pasyente sa ospital asin nganing may magagamit sa oras nin anuman na mga emerhensya.
Igwa su boot nin ipaprayoridad na first batch na matatawan, alagad an mga barangay na dae nakasabay sa listahan sa primerong batch, pwedesir mag-request nganing maisabay sa sunod na batch.
Apwera pa kaini, pigpaplano man na bugtakan an kada munisipyo sa probinsya nin primary health care hospital tanganing dae na madipisilan pa an mga hale sa hararayong lugar sa pagdadara nin pasyente.
Kun mayo kayang ospital sa kada munisipyo pwedesir su boot abuton nin 30 minutos o sarong oras an pagdara nin pasyente, alagad kun igwa nang araning ospital, dakula an posibilidad na masasalbar pa an buhay kan mga pasyente.
Mientrastanto, an mga ini inisyatiba kan sarong partylist sa Bicol.