LEGAZPI CITY – Nakaresibe an haros 500 na dating mga Mayon evacuees nin Daraga ki labi PHP12,000 na kantidad ki ayuda hale sa Deparment of Social Welfare and Development (DSWD) Bicol.
Sa paagi ini kan Emergency Cash Transfer (ECT) payout sa Daraga Community College sa pakikipagtabangan sa Municipal Social Welfare and Development Office kun sain tinawan an mga dating evacuees kan nasambit na kantidad kada saro sainda katakod kan pag-alburoto kan Bulkan Mayon na may obhetong matabangan sindang makabawi sa buhay orog na an mga nagpapadalagan nin negosyo.
An mga benepisyaryo hale sa mga barangay kan Mi-isi, Matnog dangan Budiao na naapektaran.
Kun magigirumduman, ginibo an 1st batch payout kan ECT kan nakalihis na semana sa Daraga Covered Court na may 117 benepisyaryo.