Matagamtaman ang haruhay nga pamuyo kun mo surrender ang membro sa rebeldeng New People’s Army (NPA) sa goberno.
Sumala ni Major General Romeo Brawner Jr., sa 4TH Infantry “Diamond” Division Philippine Army, mas maayong mo surrender na lamang ang mga sakop sa NPA aron di mabutang sa peligro ang ilang kinabuhi ug malingkawas sa kalisdanan sulod sa kalihokan.
Pamugos ni Brawner, daghang benepisyo o tabang nga madawat niadtong mo surrender uban ang nahuptang armas.
Gawas niana, dile na kini magtago-tago sa bukid sanglit hingpit naman kining gawasnon uban sa ilang pamilya.
Tanang benepisyo madawat tungod sa nagtunhay nga Enhanced Comprehensive and Local Integration Program (E-CLIP).