‘Health system’ sa GenSan, natinga na – Philippine Medical Association

NAGTINGA na ang ‘health system’ sa GenSan dungan sa padayong pagsaka sa kaso sa Covid-19 gikan nakalabay’ng bulan human gikulang na og nurses, Covid-19 beds ang mga referral hospital ug isolation facilities.

Matud ni Dr. Fidel Peñamante, Presidente Philippine Medical Association-GenSan chapter, gikan sa 1 is to 4-5 pasyente, karon milapas na sa maong ihap ang giatiman sa mga nurses wala pay labot niini ang giatiman sa mga nurse nga non-covid19 patients.

Tungod sa ‘surge’ sa kaso, nagdugang og Covid-19 beds ang mga ospital aron malikayan na ang pagpunsisok sa mga pasyente nga natakboyan. Sa isolation facilities sa GenSan, imbes usa lang ang naka-isolate sa pasilidad nahimo nang duha ka pasyente ang gi-isolate.

Ang kahimtang sa Covid-19 sa dakbayan ang rason sa pag-apela sa Philippine Medical Association sa pagpahigayon og Covid-19 summit aron ma-edukar ang tanan. Lakip ang pagpatuman sa 14 ka adlaw nga ‘hardlockdown’ aron mapungan ang pagsaka pa sa ihap sa virus.

Ang pagkulang sa nurses mao ang pagdugang na og Covid Gikan sa ideal ratio nga usa ka nurse sa usa hangtud lima ka pasyente karon milapas na kini sa maong ideal.

Miresulta kini sa ang pag-ubos sa serbisyo nga gihatag sa mga nurses ngadto sa ilang pasyente lakip didto sa non-covid19 patients. Lakip ang pag-review sa mga opisyal sa siyudad ilang gihimong lakang aron makita asa ang huyang nga rason sa pagsaka sa ihap. Gitindogan ni Peñamante nga dili epektibo ang implementasyon sa General Community Quarantine (GCQ) tungod sa pag-doble sa kaso sa virus gikan Mayo hangtud ning bulana. ( Richel Gubalani)

Leave a Reply

Your email address will not be published. Required fields are marked *