Binayo ag gin paeag it sangka tricycle driver ru helper it sangka stall sa Kalibo Public Market.
Nakilaea ru biktima nga si Jovan Hilario, 25 anyos ag residente it Brgy. New Buswang, Kalibo, Aklan.
Samtang, nakilaea man ru suspek nga si Errol Raval, sa legal nga edad ag residente it Brgy. Bakhaw Sur, Kalibo, Aklan.
Sa imbistigasyon it Kalibo MPS, nagot ru suspek sa biktima matapos nag gin istog eang ru gin park sa tricycle sa prente it tindahan dahil indi makasueod ru gina hakwat nga sakong sibuyas nga gina butang sa stall ni Jay-r Gamboa.
Gin bayo ru biktima it suspek rason nga umapin ru kaparehong helper sa stall nga si Ernan Javier, 27 anyos, ag residnete it Brgy. San Jose, Madalag apang presenting aga estar sa Brgy. Andagao, Kalibo, Aklan.
Uwa pa nakontento ru suspek ana pa nga gin sinipa ag gin paeag ru biktima.
Tinueop ni Javier ru suspek apang bumwelta man ru mga kaibahan it suspek nga si Ryan Dela Cruz nga suno sa aligasyon hay may bitbit nga baril.
Ag dayon gin pulihan sa pag bayo it suspek nga si Errol Raval kaibahan sanday Ryan Dela Cruz ag Marlon Constantino.
Samtang, gin refer ru insidente sa Barangay Justice System.//MARIVIC Y. ILIN