WALA’Y nakitang eksplusibo sa sulod sa opisina sa bus company sa Macopa street, General Santos City. Kini ang pamahayag ni PCOL. Gilberto Tuzon, director sa GenSan City Police Office (GSCPO) sa pakighinabi kaniya.
Matud ni Tuzon, ‘false alarm’ kini og walay nakita nga unsa mang matang sa eksplusibo ang Explosive and Ordnance Division (EOD).
Sa bahin usab ni Col. Galileo Goyena, commander sa Joint Task Force GenSan (JTFG) ang pamahayag ni Tuzon lang nga ‘false alarm’ ang impormasyong nakaabot kaniya human nga ang kapolisan ang nag-imbestiga ug naabot sa lugar.
Apan sa hulagway nga mikatag makita ang cellphone nga dunay mga wire nga naa sulod sa balde sa biskwit.
Sa impormasyon gikan sa ‘sources’ sa GSCPO nakalabay’ng tuig pa nakita ang balde sa biskwit nga gibilin sa usa ka unit sa Husky nga gikan sa Isulan, South Cotabato.
Nasuta nga gikan sa Shariff Aguak, Maguindanao ang nahisgotang balde. Gidala sa opisina sa bus company sa Koronadal apan pipila ka bulan gidala sa GenSan ug didto gibutang sa bodega. Atol sa pagpanglimpyo didto nila nakita ang balde ug paghiling nakita ang gikaengong eksplusibo. ( Richel Gubalani)