Hepe nga di karesolba sa krimen, sipaon sa pwesto- Brig. Gen. Macaraeg

SUBLING nangpahimangno ang labaw sa Police Regional Office- Soccsksargen region sa mga station commanders.

Kalabut sa pagresolba sa mga kaso nga naa sa ilang lugar nga ginsakopan kung dili buot nga taktakon sa pwesto. Matud ni Police Brig. Gen. Jimili Macaraeg, director sa PRO-12 kung dunay mga sunod-sunod nga insidente sama sa lugar ug pagpatay nga dili maresolba mahimo silang tanggalon sa pwesto, Ang pamahayag ni Macaraeg ang dungan sa mga insidente sa pagpamusil, tulis kawat ug uban pa sa pipila ka bahin sa rehiyon.

Dugang sa opisyal kini ang base sa direktiba sa bag-ong lingkod nga Chief sa Philippine National Police (CPNP) nga one-strike policy. Una nang, gibutyag sa opisyal nga padayon karon ang gihimong rebyu sa PRO-12 sa mga performance sa matag station commanders ug mga labaw sa police offices sa rehiyon.

Kahibaloan nga sa GenSan, pipila ka insidente sa pagpamusil ang natala asa gikabutyag sa mga hepe sa presinto nga pipila niini ang naresolba na pinaagi sa pagpasaka og kaso sa mihimo sa krimen. I Richel Gubalani