Higanteng aquarium na naglalaman ng 1,500 na mga exotic fish, sumabog sa Berlin, 2 katao nasugatan

Isang aquarium na may taas na 46 na talampakan ang sumabog sa Berlin na ikinasugat naman ng hindi bababa sa dalawang tao.

Matatagpuan ang AquaDom aquarium sa Radisson Collection hotel sa Berlin.

Sinabi ni Berlin Mayor Franziska Giffey , nasa 100 mga bumbero ang dineploy sa lugar kung saan humigit-kumulang 1 milyong litro ng tubig ang tumagas mula sa AquaDom na may humigit-kumulang 1,500 exotic fish.

Ayon sa mga nananatili sa hotel, parang earthquake umano ang kanilang naramdaman at nagulat sa naganap na kaguluhan.

Sa kagustuhan na mailigtas pa ang ilang isda, kumuha pa ang mga tauhan nang maliit na gallons ngunit hindi rin nagtagumpay dahil sa sirang linya ng kuryente.

Hindi pa rin malinaw kung ano ang naging sanhi ng pagsabog ng aquarium ng AquaDom.//CA

Leave a Reply

Your email address will not be published. Required fields are marked *