CAMARINES NORTE – Hindi bababa sa sampung government agencies ang nakilahok sa 3-day One-Stop shop na inorganisa ng Civil Service Commission, Camarines Norte Field Office na ginagawa ngayon sa SM City Daet.
Nag-umpisa ito kahapon araw ng Miyerkules na tatagal hanggang bukas, September 15.
Kabilang sa participating agencies ay ang Philippine Statistics Authority, Philippine Information Agency, Department of Trade and Industry, Bureau of Jail Management and Penology, Bureau of Internal Revenue, Pag-IBIG, Department of Science and Technology, Camarines Norte Water District, National Irrigation Administration, Philippine Health Insurance Corporation, Bureau of Fire Protection, Technical Education and Skills Development Authority, Department of Labor and Employment at Local Government Unit of Vinzons.
Ayon kay CSC Director II Atty. Alicia Salinas ang aktibidad ay naisakatuparan sa pakikipagtulungan ng mga Human Resource Management Practitioners na naglalayong isahang ilapit sa mga tao ang serbisyo ng mga nabanggit na ahensiya ng gobyerno at LGU.
Sa panig naman ng CSC ay magbibigay ito ng refund sa mga examinees ng na- postponed na March 2020 Career Service Examination-Pen and Paper Test (CSE-PPT).
