NAKITA sa health authorities ang hinay-hinay nga pagsaka sa hospital bed occupancy rate dungan sa pagsaka sa kaso sa Covid-19. Matud ni Dr. Ryan Aplicador, Chief of Hospital sa Dr. Jorge P. Royeca Hospital (DJPRH) base sa taho sa tanang ospital sa GenSan. Naa na sa 32% o safe level ang rate mas hinay-hinay ang pagsaka niini tandi sa surge nakalabay’ng tuig.
Sagad usab asymptomatic o mild cases ang kahimtang sa 81 ka Covid-19 nga naa sa mga ospital sa siyudad. Sa DJPRH ang nag-inusarang pampublikong ospital sa GenSan dunay sila’y 27 ka pasyente gikan sa 36 Covid-19 beds nga available.
Kini human nagpositibo ang pipila ka non- covid-19 patient nila dungan sa gihimong swab human nakitaan og sintomas sa virus. Duna usab napulo (10) na ka staff sa maong ospital ang nagpositibo sa virus apan sagad ang nakarekober na.
Giangkon ni Aplicador nga dako og tabang ang pagkabakuna sa publiko sa wala pagpakapuno sa mga covid-19 hospital beds. Ang GenSan gipailawom na sa alert level 3, sa karon naa na sa 612 ang active case sa virus human nadugang ang new confirmed covid-19 cases. I Richel Gubalani