Natukoy na ng House Appropriations Committee ang sampung mga government agencies na in-adjust, ‘o ‘di kaya’y tuluyan nang tinangalan ng confidential and intelligence funds (CIF).
Ito ang sinabi ng senior vice chair ng panel na si Marikina 2nd District Rep. Stella Quimbo – isang araw matapos ang pagtatanggal sa mga CIF ng mga ahensyang wala namang kinalaman sa national security.
Ayon kay Quimbo – ang sampung mga ahensyang tinapyasan ng CIF ay bahagi ng kanilang pag-aaral para ‘chop-chop-in’ ang pondo ng bawat ahensya.
Aniya, maliban sa paglilipat sa mga security agencies – posible rin daw idagdag sa mga mahahalagang programa ang naturang tinapyas na pondo.
Sa kabila nito, ‘di pa direktang tinukoy ng Kongresista kung anu-anong agencies ito.
Maaalalang una nang nakumpirma ang pagtatanggal sa hiling na P500Million CIF ng Office of the Vice President (OVP) at P150Million sa Department of Education.
#