House Bill No.6730 sa 2nd district sa Misamis Occidental, aprobado sa senado

GIAPROBAHAN sa senado ang house bill No.6730 nga  mag-increase sa hospital bed capacity, nga giduso ni Deputy Speaker Henry Sevilla Oaminal, aron madungagan ang kakulangon sa hospital bed sa  Mayor Hilarion A. Ramiro Sr. Medical Center (MHARSMC), nga nagkinahanglan og 500 hangtod sa 1000 beds.

Gipaambit kini  sa usa ka post sa facebook sa iyang official page, kaniadtong Huwebes, Mayo 27.

Ang balaodnon mag-upgrade usab sa professional health care services and facilities, mag-authorize usab sa pag-hire ug dugang mga doctors, nurses and other support personnel, mag- appropriate ug tukma nga pondo sa nasangpit nga hospital ilalom sa annual General Appropriations Act (GAA).

Ang HB 6730 naggikan sa HB 4744 nga gi-file ni Deputy Speaker Oaminal, ingon nga tubag sa panawagan sa Konstitusyon sa mandato sa Estado sa pagprotekta ug pagduso sa katungod alang sa kahimsog sa panglawas sa matag Pilipino. Pinaagi sa paghimo sa dekalidad ug igo nga health care services, nga daling mabatunan sa tanan, ilabina sa mga kabus nga mga Pilipino.

Bisan sa iyang pagkasakit sa Covid-19, padayon ang Working Congressman sa pagtuman sa iyang gipanumpaang buluhaton ingong pinili nga Representante sa katawhan sa Distrito Dos sa Misamis Occidental.(Sam Tizon)