Pormal nang inabot ni Speaker Martin Romualdez ang donasyon ng House of Representatives na $100,000 o halos P5.4 million para sa mga biktima ng 7.8 magnitude na lindol sa Turkey.
Ayon kay Romualdez, ang naturang tulong ay personal na tinanggap ni Turkey’s Ambassador to the Philippines Niyazi Evren Akyol sa isang simpleng seremonya sa opisina ng Speaker.
Dumalo sa ceremony ay sina Ako Bicol Party-list Representative Zaldy Co, House Majority Leader Manuel Dalipe of Zamboanga City, Tingog Party-list Representative Yedda Romualdez, asawa ng Ambassador na si Inddri Puspitarasi, Pangasinan Representative Ma. Rachael Arenas, House Minority Leader Marcelino Libanan ng 4PS party-list, at Zamboanga Del Norte Representative Glona Labadlabad.
Sa ngayon, pumapalo na sa 34,000 na mga indibidwal ang death toll mula sa lindol sa naturang bansa.