House panel, target na maaprubahan ang 2022 budget sa loob ng isang linggo

Magsasagawa ang House appropriations committee ng marathon hearings upang tiyakin na maipapasa ang budget bill para sa 2022 sa loob ng isang linggo.

Sinabi ni Committee chairman Eric Yap na magsasagawa sila ng kompletong hearings para sa apat na departamento kada araw, upang mapabilis ang pagsusumite nila ng budget bill sa House plenary para sa deliberasyon.

Ipinunto ng ACT-CIS party-list at Benguet caretaker congressman na magiging feasible ito dahil nakipagkita na ang liderato ng kamara sa mga ospisyal ng executive branch sa gitan ng dalawang buwan na session break bago bumalik ang sesyon noong nakaraang lingo.

Iginiit ng kongresista na na kakayanin ng House na makumpleto ang deliberasyon nito sa national budget pagsapit ng Oktubre, sa kabila ng suspensyon ng congressional session dahil sa dalawang linggong enhanced community quarantine mula August 6-20.

Binigyang diin ng mambabatas na hindi pwedeng maantala ang pagpasa sa pambansang pondo lalo na at nahaharap ang bansa sa pandemya.

Samantala, inihayag naman ni Yam na meron ang Palasyo hanggang August 26 para isumite ang 2022 National Expenditure Program sa Kongreso.

Leave a Reply

Your email address will not be published. Required fields are marked *