Naghain ng resolusyon ang Makabayan bloc sa House of Representatives na mariing kinokondena ang panunutok ng laser beam ng China Coast Guard (CCG) sa Philippine Coast Guard vessel sa West Philippine Sea.
Sa House Resolution No. 781 na inihain ni Gabriela party-list Rep. Arlene Brosas, ACT Teachers party-list Rep. France Castro, at Kabataan party-list Rep. Raoul Manuel, hiniling nila sa committee on foreign affairs na magsagawa ng imbestigasyon in aid of legislation, kasunod na wala pang malinaw na kasunduan kung papanu matutugunan ang issue, kahit na ipinatawag na ni President Ferdinand Marcos Jr. si Chinese Ambassador Huang Xilian.
Maliban dito, ipinananawagan din sa resolusyon sa Marcos administration na maglabas ng “stronger countermeasures” at igiit ang sovereign rights ng Pilipinas sa Ayungin Shoal, at hilingin ang pag-pullout ng Chinese military assets sa West Philippine Sea.
Nabanggit din sa resolusyon ang lantarang pagbabalewala ng China sa stipulations sa United Nations Convention on the Law of the Sea (UNCLOS) at ng landmark Hague ruling noong 2016. (PCG PHOTO)