Magabulig ang mga katapo sang Highway Patrol Group sa Traffic Management Unit sa pagpangdakop sa mga motorista nga wala nagasuksok sang helmet sumugod buwas nga adlaw sang Martes, Agusto 1, 2023.
Ini ang ginkumpirma ni Police Senior Master Sergeant Leobel Lopez sang Capiz Provincial Highway Partrol Group sang ma-interview sang Brigada News FM Roxas City.
Suno kay Lopez, katuwang sila sang TMU sa pagpangdakop sa mga nagalapas sa nasambit nga ordinansa sa palibot kag sentro sang syudad.
Lakip man sa ila pagadakpon ang mga driver nga wala sang lisensya kag wala sang nagakaigo nga dokumento sa ila motorsiklo ukon salakyan.
Ginklaro man sini nga indi lang motorsiklo ang ila ginasita kundi pati man ang mga 4 wheels nga wala sang plaka kag may mga violation ang ila man nga ginapangdakop bangud nagasunod sila sa order gikan sa national.
Nagpanugyan man si Lopez sa mga driver sang motor ukon salakyan nga kun mahimo antes maghalin sa ila panimalay siguraduhon gid nga bitbit ang dokumento sang ila salakayan, lisensya kag helmet para sa mga naka-motor agud indi mamultahan. | Judy Ann Juare