Hustisya gipangayo sa pamilya sa pinirisong namatay samtang naka quarantine

Hustisya ang panawagan sa pamilya sa usa ka piniriso human namatay kini sa kamot sa Bureau of Jail Management and Penology (BJMP XI) samtang naka-quarantine sa usa ka pasilidad sa Maa, Davao.

Sa exclusive interview sa 91.5 Brigada News FM-Davao ngadto sa inahan ug igsoon sa piniriso nga si Jerry Nick Maño, 28-anyos, gisaysay sa igsoon niining si Grace nga Mayo 4 ilang giduaw ang biktima sa Sta. Ana PNP kung asa kini nakadetain og pito ka bulan tungod sa kasong illigal drugs ug gihatud sa Maa City Jail nga gipaialwum una sa 21 diyas nga kwarantina sa usa ka pasilidad.

Mayo 10 dihang nakadawat sila og tawag gikan sa  personahe sa Bureau of Jail Management and Penology- XI  nga nagpahibalong gidala sa ospital ang biktima human kini nawad-an og panimoot apan dead on arrival base sa pagdeklara sa doktor.

Dihang gihiling  ang lawas nakurat nalang sila dihang nakita ang mga bun-og ug samad sa iyang till, sa iyang simod nga daw sinumbagan ug ang gikatingala sa pamilya ang nihumok nga bagol-bagol niini.

Matud usa sa inahan nga nahinabi pa nila ang nahishutan pinaagi aa video call apan dili na masabtan ang pulong niini hangtud nga naputol   og nasayran ang hitabo adlawng Lunes na.

Panagawan sa pamilya nga mahatagan og katin-awan ang tinood nga gikamatyan sa binilanggo hinungdan nga gitabangan sa Brigada News Fm Davao nga madangop ang kaso niini sa National Bureau of Investigation aron mapalawman pa ang insedente. Sa karon naghulat pa sa resulta sa swab test sa piniriso ang pamilya niini aron mapahiluna og tarong. BNFM-DAVAO