“I Am Texas” kinilala ng Guinness bilang pinakamalaking libro sa buong mundo

KINILALA ng Guinness Book of World Records ang librong “I Am Texas” bilang World’s Largest Published Book o pinakamalaking libro na nailimbag sa buong mundo.

Ang non-profit organization na IWrite at ang The Bryan Museum ang nasa likod ng pagkakalikha ng naturang libro na bunsod umano ng kanilang adbokasiya at hangarin na maibalik ang interes ng mga makabagong henerasyon sa pagbabasa ng aklat.

Dahil dito, magkatuwang na inilimbag ng dalawang nabanggit na organisasyon ang libro sa pamamagitan ng pagkalap ng mga artworks at mga maiikling kwento mula sa mga mag-aaral sa lugar.

Sa sobrang dami ng mga ito, aabot sa mahigit 1,000 mga likhang panitikan, maiikling kwento at sanaysay ang nailimbag sa “I Am Texas” na mayroon namang kabuuang sukat na 7 feet tall at 11 feet width.### JDR

Leave a Reply

Your email address will not be published. Required fields are marked *