ICC prosecutor, tutol sa apela ng Pilipinas na ipagpaliban ang imbestigasyon sa war on drugs

Nanawagan si International Criminal Court (ICC) prosecutor Karim Khan para sa pagbabasura sa hiling ng gobyerno na suspendihin ang resumption sa imbestigasyon sa war on drugs ng nakaraang Duterte administration.

Giit ni Khan, hindi nakapagbigay ang Manila ng anumang substantial argument para suspendihin ang imbestigasyon.

Mababatid na ang Pilipinas, sa pamamagitan ng Office of the Solicitor General (OSG) ay naghain noong Feb. 3 ng notice of appeal sa appeals chamber ng  ICC para baliktarin ang desisyon ng pre-trial chamber na muling buksan ang drug war probe.

Noong September 2021, nang aprubahan ng ICC’s pre-trial chamber ang pagbubukas sa imbestigasyon para sa mga krimen na nagawa umano mula November 2011 hanggang March 2019, kabilang na ang extrajudicial killings na ginawa sa Davao Region ng “Davao Death Squad”, pero pansamantalang sinuspende ito ng ICC noong Nobyembre sa parehong taon, matapos sabihin ng gobyerno na naglunsad din ng sariling imbetigasyon ang mga lokal na otoridad.