GIPASALAMATAN ni Idol Brigada Elmer Catulpos ang mga miyembro sa KaBrigadahan GenSan sa ilang paghatag og relief goods sa mga apektado sa pagbaha nga mga miyembro usab sa programa.
Sigun ni Catulpos nga 175 ka packs, lakip niini ang kinilong bugas ug grocery ang natunol sa mga volunteers nga hugot usab niining gipasalamatan.
Gisaysay sa Ama ng Brigada nga daghan misuporta aron matigom ang maong ayuda ug gipasalamatan niya ang giutangan sa bugas nga si Myrna Mejorada.
Giangkon niini nga bisan sa kalisod tungod sa baha ug pandemya, aktibo gihapon sa pagtabang ang mga miyembro ngadto sa mga nanginahanglan.
Kini maoy hugot gipasalamatan ug gitawag nga blessings sila.
Gusto usab ni idol Brigada Elmer nga mabutang sa panghuna huna sa mga katawhan ang abundance mentality ug dili ang scarcity o kawad-on tungod makapadasig kini kanila ug mahimong magpasalamaton kanunay.