GIDAYEG ni Idol Brigada Elmer V. Catulpos ang mahinungdanong papel sa transport groups sa economic activity sa GenSan.
Gihimo ni Catulpos ang pamahayag atol sa 30th General Assembly sa Alabel Lagao Jeepney Operators and Drivers Transport Cooperative kun ALJODTCO, adlawng Dominggo Abril 25 sa Family Country Homes.
Sa iyang mensahe, gihingusgan ni Catulpos nga ang mga isyu nga giatubang sa public transportation sa syudad ang dili maundang hangtud ang mga lideres maghuna huna luyo sa ilang political interest ug mututok sa panginabuhian sa mga anaa sa maong sektor.
“It all boils down to the livelihood of the people,” matud sa presidente sa Gensan Chamber.
Giawhag usab ni Catulpos ang transport sector nga mahimong instrumento sa paghimo sa GenSan nga usa ka mauswagong lugar ug subling ikapasigarbo sa mga molupyo.
“Kamo ang makatabang, kamo ra gyud ang makapabag-o sa atong lungsod,” dugang pagpaklaro ni Catulpos.
Mahinungdanon usab matud pa nga mupili og maayong lider, usa ka lider nga mutuman sa mga damgo sa syudad nga matinuod, lider nga ipadayun ang mainitong kasadig sa kasing kasing sa mga katawhan sa illang pakigbisog ngadto sa kaayohan sa syudad.
“Kanang pangandoy nato sa huna huna, kung butangan nato nag spark, mahitabo gyud na. Naa ra na sa lider,” dugang ni Idol Brigada Elmer Catulpos.
Ang ALJODTCO, ang 30 ka tuig na nga transport group, ilalom sa Public Transport Alliance of Gensan kun PTAG.