GIKALIPAY nila Gov. Steve Chiongbian Solon ug sa mga mayor sa probinsya sa Sarangani ang natala nga 53 recoveries kagabii, subay sa tracker report sa Department of Health. Gikan sa 216 aktibong kaso niaging semana, niubos ug nahimo na kining 169.
Apan posible pang musaka ang ihap sa Sarangani Province tungod sa nagpadayon karon nga “Risk-Based Targeting Testing” sa tibuok Sarangani. Pag-swab test kini sa tanang adunay sintomas, lakip na ang mga indibidwal nga gikan sa mga palengke, mga opisina sa gobyerno, mga pribadong kumpanya ug daghan pang mataong lugar.
Pagsiguro nga ma-isolate dayon ang mga nag-positibo, matambalan ug dili na makapanakod sa uban Nangayo na lamang si Gov. Solon og kooperasyon ug pagsabot sa katawhang Sarangan nga bawal usa gyud ang mga dili importanteng lakaw hangtud Mayo 31 gumikan anaa pa sa kritikal nga sitwasyon ang entiro rehiyon ug magpadayon usa ang “general cleaning” batok Coronavirus sa Sarangani Province.