Ihap sa mga absentee voters sa PNP-Northern Mindanao lauman nga mosaka pa

Gilauman nga mosaka pa ang ihap sa mga Local Absentee Voters nga makabotar ning nagpadayon nga absentee voting alang sa May 9, 2022 National and Local Elections.

Subay niini, gibutyag ni Police Regional Office 10 Spokesperson Police Lt. Colonel Michelle Olaivar nga sa bahin sa kapolisan sa rehiyon, gikan sa 2,596 nga na-aprubahan aron makabotar, anaa na sa 1,173 ang hingpit nang nakabotar.

Samtang dunay uban nga na-aprubahan ang apilkasyon alang sa LAV apan ang pipila ka pangalan deactivated na ug wala sa listahan, ug dunay uban nga nakabotar homan sa gihimong beripikasyon sa tagsa-tagsa nila ka mga presento.

Dugang pa nga magpadayon karong adlawa Abril 29 ang absentee voting alang sa mga personahe nga dunay direkta nga tahas atol mismo sa adlaw sa piliay.

Kahibaloan una nang giklaro sa Commission on Elections Northern Mindanao nga ang mabotaran sa absentee voting mao ang posisyon alang sa pagka-presidente, bise-presidente, senador ug party-list. -END- (Claudine)

Leave a Reply

Your email address will not be published.