IKADUHANG APPOINTMENT SA ACTING CITY ADMINISTRATOR GIPAABOT SA LABAW SA KOMITIBA

GINAPAABOT sa labaw sa komitiba sa Appointments and Government Reorganization ang ikaduhang appointment sa mayor ngadto kay Acting City Administrator Shandee Llido Pestaño.

Sa paghinabi sa taga Brigada Gensan kay Konsehal Elizabeth Bagonoc gisulti niini nga wala pa niini nadawat ang papelis sa subling pag appoint kay Pestanio.

Gidugang ni Bagonoc nga abli sa kanunay ang iyang opisina, ang iyang committee sa pagdawat sa mga documents unya subling masalang sa pagdungog kuyog sa mga membro sa committee.

Gipaklaro usab ni Bagonoc nga dili usab niya gusto nga ma isyu nga dili dayon ma aksyunan ang mao nga butang gumikan mahinungdanon kaayo ang posisyon sa City Administrator alang sa kalamboan sa syudad.

Kahibaluan nga gibasura sa committee ang unang appointment ni Pestaño gumikan nakulangan ang mga membro sa kumitiba sa gi submit niini nga pamatuod sa iyang nahuman nga kurso.

Sa unang pahayag usab sa Sangguniang Panlungsod Secretary nga si Rosalinda Mondido sumala niini nga nakalatid sa RA 7160 Section 454 nga ang kinsa man nga ma appoint sa position sa pagka Department Head moagi gayod sa proseso sa concurrence sa majority sa Sanggunian. I Ver Diazon

Leave a Reply

Your email address will not be published. Required fields are marked *