GITUNOLAN na usab ang ikaduhang batch sa mga miyembro sa Brigadahan sa GenSan sa ilang mga hinabang ug mismo si Idol Brigada Elmer Catulpos ang personal mihatag sa kwarta nga natigom nga gikan usab sa mga miyembro.
Dise otso ang ikaduhang batch nga tabangan ug 10 ang unang gitunolan kagahapon pinaagi sa Brigada News FM sa programang Tira Brigada ug Brigada TV.
Ang uban, ilang kabanay ang mikuha sama sa duha ka miyembro nga nakabsan sa kinabuhi tungod sa sakit, ug ang uban ang tabang alang sa pagpatambal nga hugot nilang gipasalamatan.
Ang duha alang sa burial assistance ug 16 ang alang sa hospitalization assistance asa ang natigom nga hinabang ang gikan sa pagtinabangay sa mga miyembro.
Segun ni Catulpos, mokabat na sa 20 mil ang miyembro sa Brigadahan sa GenSan asa apil usab kini nga muhatag sa iyang personal nga tabang aron madugangan ang matigom nga hinabang ug gipasalamatana ng mga tabang sa mga miyembro.
Ang mga nakadawat mao silang Cherry Mae Competente may nadawat nga P10,041; Ghibs Aldaya – P8,990, Yelan Magbanua – P10,391, Zaijan Bel Villasor –P 12,304, Nathaniel Amistad – P10,315,
Pedro Donaire – P8,107.50, Nerissa Abrea – P5,898.50, Genelyn TImkang – P7,687.50, Maribel Solis – P5,962.50 ug Aramae Mamac – P6,095. Ang uban sa Sabado atol sa Brigadahan GenSan program na usab mahatagan sa ilang tabang subay sa natigom nga pondo gikan sa mga miyembro.