Ikaduhang batch sa TUPAD benificiaries sa 2022 nilagda sa ilang kontrata sa DOLE

KAPIN libo na usab ka mga katawhan ang nagpirma sa ilang kontrata alang sa programang TUPAD sa Department of Labor and Employment nga gipaagi sa Congressional Office, gihimo sa Oval Covered Court November 8, 2022 adlaw nga Martes.

Sumala kay Congressional Staff Mary Grace Tomis ang TUPAD o Tulong Panghanapbuhay sa Ating Disadvantaged/Displaced Workers sa Dole naghatag higayon sa Congressional Office nga mag recruit og mga benificiaries ug nakaduha na sila ka batch.

Human sa orientation ug sa pagladga sa kontrata makig alayon na sila sa mga barangay kung asa sila nagpuyo gumikan adunay incharge alang sa mga TUPAD workers alang sa community service sa sulod sa napulo ka adlaw unya tag upat ka oras matag adlaw.

Sumala sa usa ka welder nga si Melchor Golbe, 46-anyos gikan sa Barangay South nawad-an siya og trabaho sa panagon sa pandemya unya nagapaalim pa sa iyang samad sa tiil human nadisgrasya sa motorsiklo mao nga kinahanglan kaayo niya ang trabaho aron makakwarta.

Kahibaluan nga sa TUPAD ang madawat sa mga beneficiaries nanukad sa P3,400 ngadto sa P5,100 nga suhol. I Ver Diazon

Leave a Reply

Your email address will not be published. Required fields are marked *