GAWAS sa mando nga pagpadakop sa unom ka opisyal ug personahe sa UCCP-Haran human nilugwa ang warrant of arrest batok kanila, lain pang mga personalidad ang gipaaresto karon sa korte.
Subay sa impormasyon gikan sa Police Regional Office XI lakip sa gipakanaugan og WOA mao ang mga iladong aktibista ug white area committee frontrunners nga sila si Hanimay Suazo, Tessa Llera, ug Kerlan Fanagel.
Ang mga nahisgutan ang nagsilbi nga recruiter CPP-NPA recruiters sa IP communities nga konektado sa sa UCCP Haran detention six (6) counts violation sa RA 10364 (Expanded Anti-Trafficking in Persons Act of 2012) ug (3) counts violation sa RA 9851 (international humanitarian law).
Tungod sa giisyung warrant of arrests, ang Police Regional Police Office 11 pinaagi sa Davao City Police Office mamahimo nang modakop sa mga nahisgutan nag padayon karong gisubay ang ilang nahimutangan.
Sa pahayag ni PBGEN FILMORE B ESCOBAL, panahon na matud pa aron tapuson na ang pagdaog-daog ug paghimong taming sa mga lumad sa ilang kalihukan.
Una nang gipalugwa ang WOA batok sa kadagkuan sa UCCP haran nga sila si BISHOP HAMUEL G TEQUIS, (2) REV DANIEL PALICTE, (3) EPHRAIM MALAZARTE, (4) JONG MONSON, (5) LINDY TRENILLA and (6) GRACE AVILA gumikan sa paglapas sa RA 7610- Special Protection of Children against Child Abuse, Exploitation and Discrimination Act or Anti-Child Abuse Law (2 counts).