Ilocos Norte capital, bumalik sa ECQ dahil sa tumaas na kaso ng COVID-19

Balik sa enhanced community quarantine (ECQ) ang Ilocos Norte sa loob ng dalawang linggo, simula August 1, sa gitna ng patuloy na pagtaas sa kaso ng COVID-19.

Maliban sa lungsod, kinumpirma ni Ilocos Norte Governor Matthew Marcos Manotoc, na isinailalim rin sa kaparehong restriction ang coastal town ng Pagudpud, na isa sa top tourist destination ng Ilocos Norte.

Batay sa datos ng provicial government, ang Laoag City ay nananatiling may mataas na bilang sa kaso ng COVID-19 sa 1,018 active infections, habang ang Pagudpud ay mayroong 143.

Samantala, ang bayan naman ng Bacarra na mayroong 223 active cases, Badoc (69), Burgos (4), at Pinili sa (25) ay isinailalim sa localized general community quarantine (GCQ) with heightened restrictions.

Ngayong araw, nang ibalik sa modified ECQ ang buong Ilocos Norte matapos magtala ang 312 na mga bagong infections noong Sabado, na all-time high sa naturang probinsya, simula nang magsimula ang COVID-19 pandemic. // MHEL PACIA-TRINIDAD