GIPASABOT sa usa ka doktor sa GenSan ang importansiya nga dala sa pagbakuna batok sa COVID-19. Kini dungan sa unang hugtan na sa tulo kaadlaw nga national vaccination drive sa gobyerno.
Matud ni Dr. Fidel Peñamante, Presidente sa Philippine Medical Association (PMA) GenSan- Chapter angayang mabakunahan ang tanan. Aron makaangkon og proteksyon ang lawas labi pa karon nga dunay bag-ong variant nga rason sa pagsarado borders sa pipila ka nasud.
Dugang niini, sa South Africa asa unang nadiskubre ang virus naa lang sa 25% ang vaccination rate nila. Ang ubos nga vaccination rate sa usa ka lugar ang dunay dako nga posibilidad nga mahitabo ang mutation.
Gikaingong mas-isog sumala pa ang bag-ong variant tandi sa delta rason sa pag-awhag niini sa publiko nga siguradohon ang pagsunod sa minimum health standards. (Richel Gubalani)