Imported pork meat wala pa nakasulod sa city public market

DAKO ang mahimong epekto kung musulod sa merkado publiko sa GenSan ang imported pork products.

Kini ang nahimong panglantaw ni Althea Enriquez, usa ka pork meat vendor sa GenSan city public market, apan sa pagkakaron, wala matud pa kini nasayran nga may nakasulod nga imported pork sa palengke.

Wala usab kini masayod kung adunay mga gabaligya og imported pork ngadto sa mga meat shop.

Giklaro niini kung may imported pork meat, ang mga tawo mupalit gayud niini tungod mas barato itandi sa dili imported nga mas mahal ang presyo.

Gani kung modagsa matud pa ang imported pork lagmit nga dili na usab kini mamaligya tungod monihit usab ang palit ug bisan ang katay sa baboy.

Hinuon, giangkon usab niini nga gihimo sa gobyerno ang pagpalit og imported pork aron nga mahimong stable ang presyo sa karneng baboy sa nasud human kini mitaas tungod sa African Swine Fever kun ASF.

Sa karon, dugang ni Enriquez nga gabantay sila sa merkado sa posibleng pagsulod sa imported pork meat aron dili usab mabalda ang ilang negosyo.

Leave a Reply

Your email address will not be published. Required fields are marked *