Improvement and upgrading ng Water System Facilities sa Brgy. Banquerohan isasagawa ng LGU Legazpi

LEGAZPI CITY – Nagiging problema ng ilang residente sa southern Barangays ng lungsod ng Legazpi ang kalawalan umano ng supply ng tubig sa kani-kanilang tahanan.

Dahil dito ay mas binigyan ng prayoridad ng City Local Government Unit ang problema sa tubig sa bawat barangay.

Ayon kay Noel Rosal ang Alkalde ng Lungsod ng Legazpi, improvement and upgrading ng Water System Facilities sa Barangay Banquerohan ang magiging solusyon sa problema ng ilang barangay o residente.

Aniya, mayroon ng dating water source system ang nasabing barangay ngunit ay hindi ito sasapat para masupplyan ang mga residente.

Dahil dito ay dinagdagan ng City LGU ng water source ang barangay sa pamamagitan ng solar panel na nagkakahalagang P6.5M na kung saan ang bawat barangay umano ay magkakaroon ng supply ng tubig.

Dagdag pa nito sa Level 2 ay maglalagay ng portable water sa barangay na 50m mula sa water source system na kung saan ay libre gagamitin ng mga residente.

Nilinaw nito centrong barangay ng Banquerohan lamang ang kayang abutin ng supply ng tubig.

Aabot pa sa apat o limang southern barangay ang may problema sa tubig.

Panawagan ng Alkalde mula sa kongreso na sana’y maglaan rin ng pondo ang mga ito sa patubig dahil sa hindi kakayanin ng LGU Legazpi at Legazpi City Water District (LCWD) dahil malaki laki ang gagamitin na pondo para lang mabigyan ng tubig ang mga barangay at limitado rin ang budget ng Local na Pamahalaan.