Pangitaan na matud pa og vaccination card ang mga inbound travelers ug returning residents ugaling musulod sa lalawigan sa Bukidnon.
Kini basi sa gipagawas nga Executive Order No. 33 ni Bukidnon Governor Jose Maria Zubiri Jr. alayon sa implementasyon sa Alert Level System 2 sa tibuok lalawigan, ingon man general guidelines ug restrictions pinasikad sa gabayan nga gitakda sa Inter-Agency Task Force-Management of Emerging Infectious Diseases.
Sa E.O makita sa Section 3 ang rekisitos alang sa inbound travelers ug returning residents, sa mga vaccinated individuals kinahanglan ang vaccination card ug government issued identification card with photo.
Samtang alang sa mga unvaccinated o dili bakunadong indibidwal kinahanglan ang pag-presentar sa negative RT-PCR test result ug government issued identification card.
Ang mga dili bakunadong indibidwal dili na kinahanglan mag-presentar sa negative swab test apan kinahanglan nga mobiyahe nga uban ang ginikanan o guardian nga fully vaccinated.
Samtang, ingkaso nga medical emergency, ang requirement sa vaccination card ug RT-PCR test dili na kinahanglan masiguro lamang nga makapakita og hospital appointment.
Nahimong epektibo ang EO niadtong Nobyembre 2, ning tuig 2021.