Indian Premier League suspendido dahil sa COVID-19 crisis

Suspendido ang Indian Premier League dahil sa nararanang COVID-19 crisis sa India.

Ayon sa mga organizers, bagamat hangad sana nila na mapalaganap ang positivity at magbigay ng kasiyahan sa mga tao, mas pinili nilang suspendehin ang liga para makasama muna ng lahat ang kanilang mga mahal sa buhay sa panahon na matinding krisis ang kinakaharap ng kanilang bansa.

Hindi naman tiyak ng mga organizers kung kailan ibabalik ang liga.

Matatandaan na dahil sa mabilis na pag-angat ng bilang ng infections, nalampasan na ng India ang 20-million mark ng kabuuang infections.

Una nang itinuloy ng mga organizers ang liga sa kabila ng pag-atras ng ilang high-profile players at panawagan ng pagpapaliban.

Napag-alamang nag-o-operate ang IPL sa ilalim ng mahigpit na bubbles habang required na magsuot ng head-to-toe Personal Protective Equipment ang mga manlalaro sa tuwing lilipat sila ng venue. (LEO NAVARRO-MALICDEM)

Leave a Reply

Your email address will not be published. Required fields are marked *