Ginsuguran na sa 3 ka barangay sa banwa sang Jamindan ang mga infrastructure projects sa idalum sang administrasyon ni Mayor Mac Arthur Valdemar.
Igapatindog para sa mga pumuluyo sang Barangay Lapaz ang ila bag-o nga barangay hall nga nagabalor sang P1 milyones gikan sa 20% development fund sang banwa.
Balor nga P658,000 gikan sa LGU Jamidan kag DSWD KALAHI CIDSS ang magapondo para sa proyekto nga Community Stage kag on-grid streetlight sa Barangay Esperanza.
Samtang, mahatagan na sang katumanan ang handom sang mga residente halin sa Barangay San Jose matapos ginhiwat ang groundbreaking sa igapatintog nga hanging footbridge nga nagabalor sang P1.6 milyon.
Tuman naman ang pasalamat sang mga pumuluyo sa wala untat nga pagpatuman sang mga proyekto sa ila barangay.