Insidente it panakawan sa Kalibo, naga inabo

Naga inabo eon makarun iya sa banwa it Kalibo ro insidente it panakawan.

Base sa report, sangka hotel sa Barangay Andagao ro sinueod ag tinakaw ro andang 40-meter 6mm cable wire nga nakabutang sa andang convention center.

Samtang, sangka baraka man sa may Calachuchi road Brgy. Andagao ro sinueod it manakaw ag ginbuoe ro mga baligya nga sigarilyo nga nagabalor it P2,000.

Sangka truck nga naka-park sa may Capitol Site Kalibo ro tinakawan man it mga baligya nga iga-deliver kunta kung siin, pati ro linya it break it truck hay binuoe man it suspek.

Padayun man ro ginapatigayun nga imbestigasyun it mga kapulisan sa insidente. / ANN DESLENE SALAZAR

Leave a Reply

Your email address will not be published. Required fields are marked *