BICOL – PORMAL nang isinagibo an blessing-inauguration kan Integrated Laboratory Division (ILD) complex Department of Agriculture o D.A Bicol.
Madudukayan sa bagong complex an state- of- the art asin one-stop-shop laboratory facility para sa plant, animal, pest, feed and food diagnostic, testing asin iba pang laboratory services.
An apat na major laboratories kan D.A na dating madudukayan sa ibang lokasyon, ngunyan nasa sarong complex na sana sa laog mismo nin sitenta y unong -ektaryang compound kan ahensya.
Segun ki DA.Bicol Regional Executive Director Rodel Tornilla, parte soboot ini kan modernization plan asin ‘commitment’ kan D.A na makapag-provide nin kalidad, tama asin science- based results na mga agricultural laboratory analyses bilang paghahanda para ISO Accreditation.
An lakdang na ini an nakapalaman soboot sa “ONE-DA” Masterplan na ipigbubusol ni Secretary William Dar tanganing matabangan an MGA laboratoryo sa nacion na mapakusog an saindang bio safety asin bio security measures laban sa mga helang asin peste kan pananom siring man an animal diseases siring kan bird flu asin SF.
Apwera sa bagong edificio , nagtagama man soboot nin pondo para sa pagbakal nin mga makabagong ekipahe asin kagamitan siring man makapagdesignar nin mga empleado na mamamahala sa mga ini.
An aktibidad na inatendiran nin mga piling empleado kan D.A sa rehiyon an parte soboot kan pagcelebrar pagdiriwang kan Farmer’s and Fisherfolk month.