Sa maabot nga buean it Nobyembre ag Disyembre hay nakataeana nga bumisita sa Asia’s best island nga isla it Boracay ro International cruise ships.
Bago paman ro pandemya, ro isla it Boracay ro sambilog sa nagapangunang port of call para sa mga international cruise ship.
Suno kay Executive Assistant V, Mr. Niven Maquirang nga ro cruise travelers halin sa Europe ag Asia hay maga biyahe pabalik sa Boracay nga kilaea sa white sand beach kara.
Limang cruise ship ro ginaeauman nga magadaea it 10,000 cruisers.
Magabiyahe ro MV Norwegian Jewel sa November 3 sa Boracay ag magabalik raya sa isla sa November 29 ag sa December 1.
Magabisita man sa isla ro MS Westerdam of Holland America Line sa November 7 ag Star Breeze sa December 2.
Ginhayag ni Mr. Maquirang nga ro pagbisita it cruise ship sa Boracay hay may positibong epekto sa pagbuhi ag pagbaskug it industriya it turismo sa isla matapos ro pandemya. // ANN DESLENE SALAZAR