LEGAZPI CITY – Nagbisita an International Organization for Migration (IOM) Regional Office for Asia and the Pacific kan nakaagi sanang Biyernes, Septyembre 15, 2023 sa provincia kan Albay, para pag-orolayan an pag-turn over nin mga disaster-resilient houses sa mga Albayanong naapektaran kan typhoon Rolly kan 2020.
Basado sa napag-orolayan, pormal nang itu-turn over an mga arong sa mga benepisyaryo ngunyan na Lunes, sa nagkapirang mga residentes sa Pio Duran, Albay.
Ang nasabambit na mga resilient relocation house ginibo man dahil sa padagos na pag-aalburuto kan Bulkang Mayon sa provincia asin para matawan man nin relokasyon an mga Albayanong apektado kan naunambitan nang Bulkan.
Tinawan duon man ni Albay Public Safety and Emergency Management Office (APSEMO) Chief Dr. Cedric Daep, na an modelo subuot kan mga arong, naka-pattern basado sa saiyang ipigrekomendar na disenyo, kun sain dai na subuot kinakaipuhan na mag-evacuate pa kun may mga kalamidad.
Mientras tanto, an mga benepisyaryo, maingat subuot na pinili asin na-validate kan IOM Asia-Pacific.
Sinda tinawan man nin mga hand tool para enkaso igwa nin mga iirahayon sa parte kan arong, igwa ini nin mga magagamit.