IPPO, nakakumpiska it P4.6M it illegal nga droga sa sueod it pitong buean

Nag abot sa P4.6 million ro balor it ‘shabu’ ro nakumpiska it Iloilo Police Provincial Office halin it Enero hasta Hulyo makarun nga dag-on sa ginpatigayun nanda nga anti-illegal drug operations.

Base sa ginpaguwa nga report it Provincial Operations Management Unit, 55 anti-illegal drug operations ro ginpatigayun it mga Drug Enforcement Teams sa sueod it pitong buean nga nagresulta sa pagkakumpiska it 390 sachets it shabu nga may timbang nga 683.408 grams ag may estimated market value it P4,647,174.00.

Ro mga ginkasa nga operasyon hay nagresulta man sa pagka-aresto it 71 drug personalities. / ANN DESLENE SALAZAR

Leave a Reply

Your email address will not be published. Required fields are marked *