Isaeang negosyante, gin baril, patay!

Gina pag-aralan it pulisya ro inaway bangud sa trabaho bilang posibleng motibo sa likod it pagpatay sa isaeang negosyanteng pinagbabaril it daywang uwa pa nakikilaeang tawo sakay it motorsiklo sa Magsaysay Avenue, Henrietta Village, Barangay Singcang-Airport makarang Miyerkules.

Kinilaea ro biktima nga si Ivan Magbanua, 39, it nasambit nga barangay.

Hinambae ni Police Major Joery Puerto, pinuno it Police Station 8, pauli eon kunta si Magbanua sakay it isaeang sedan kat sundan imaw it mga salarin.

Samtang nagahinay ro padfaeagan it biktima, gin eapitan it mga suspek ag maeapitang binarily it back rider, hambae ni Puerto.

Pagkatapos hay tumakas ro mga salarin kaibahan ro isa pang kotse nga pinaniniwalaang gina maneho it andang kasabwat.

Hinambae ni Puerto nga dead on the spot ro biktima bangud sa mga igo it bala sa ueo ag braso.

Narekober it pulisya sa pinangyarihan ro waeong mga bala halin sa kalibre .45 nga baril.

Dugang pa ni Puerto nga nakabaton ro biktima it mga pagbabanta halin ku nakaraang buean, suno sa anang business manager, pero uwa eon da nagdetalye.//LABYRINTH R. BAYONA

Photo credits: Police Station 8

Leave a Reply

Your email address will not be published. Required fields are marked *