Isang bagong art gallery sa Camarines Norte binuksan na

CAMARINES NORTE – Pinasinayahan na at pormal na binuksan sa publiko ang Korsakri Art Space, isang bagong art gallery dito sa Camarines Norte na naglalayong ipakita ang mga obra ng mga eskultor, pintor at iba pang mga mga alagad ng sining at makatulong sa paglago ng sining at kultura sa probinsya.

Bida sa exhibit ang iba’t-ibang mga obra ng mga alagad ng sining mula sa Rehiyong Bicol partikular na dito sa Camarines Norte.

Ang creative director ng nasabing gallery ay si Paolo Gerero, isang eskultor, pintor, at manunulat na may mga obrang nailimbag na sa mga aklat.

Karamihan sa kanyang mga gawa ay nagpapakita ng makabagong mga simbolo at pigura na nagpapahayag ng buhay ng tao.

Siya rin ay gumagawa ng mga obra na naayon sa tradisyon ng mga Katoliko.

Sa nakalap na inpormasyon ng Brigada news FM Daet maaring bisitahin ang art gallery sa Stall #9 Tanzo Complex F. Pimentel Avenue Daet, Camarines Norte, mula 2:00 ng hapon hanggang 8:00 ng gabi mula Martes hanggang Linggo

Leave a Reply

Your email address will not be published. Required fields are marked *