OLONGAPO-Nagsasagawa ng Zero – Waste Community Barter ang Barangay Pag-asa sa Olongapo.
Ito ay para makatulong na mapangalagaan ang kalikasan sa pamamagitan ng pangongolekta ng mga bote na maaaring pang mapakinabangan.
Ayon kay Punong Barangay Rodolfo Catologan Sr., ang proyektong ito ay sa pangunguna ng Sangguniang Kabataan ng barangay na nag-iikot sa mga bahay-bahay para palitan ng pagkain ang mga bote.
Samantala ang 10 piraso ng 1.5 empty bottle ay katumbas ng isang kilong bigas, ang 3 piraso naman ng plastic bottle na 1.5 ay isang pirasong sardinas o dalawang pirasong itlog at ang apat na pirasong 1.5 empty bottle ay katumbas naman ng dalawang pirasong noodles.//Michelle Lopez-BNFM OLONGAPO
Photo Courtesy: SK Brgy Pag-asa
