Kulong na ang isang 30 anyos na lalaki matapos siyang ireklamo ng panghahalay di umano sa pitong (7) taong gulang na na bata sa Barangay Sta. Monica, Puerto Princesa.
Ayon sa Police Station 2, inireklamo ang suspek na alyas Gusion sa barangay nitong Lunes ng gabi, April 17, 2023.
Nagreklamo ang biktima sa ina nito matapos na makaranas di umano ng pang-aabuso sa suspek kagabi sa kanilang tinitirhan.
Mabilis na rumesponde ang mga tauhan ng Police Station 2 kaya naaresto ang suspek na todo-tanggi sa alegasyon.
Samantala, nasa kustodiya na ng pulisya ang suspek na isinasailalim na sa inquest proceeding habang hinihintay ang medical report ng bata.