CAMARINES NORTE- Natimbog sa bayan ng San Vicente ang isang magsasaka na may kasong murder sa bayan ng Labo sa mas pinaigting na pagsasagawa ng Manhunt Charlie Operation ng pinagsanib pwersa ng kapulisan kahapon bandang 4:45 ng hapon sa Purok 3, Brgy. Cabanbanan, ng nabanggit na bayan
Ang akusado ay kinilalang si alyas “JOJO”, 57 anyos, binata, magsasaka at residente ng nabanggit na lugar.
Si JOJO ay naaresto sa bisa ng warrant of arrest para sa nabanggit na kaso na ipinalabas ni Hon. Ronaldo De Lemios Bobis, Acting Presiding Judge ng Regional Trial Court Branch 64, Labo, Camarines Norte at walang rekomendadong piyansa.
Ang nasabing personahe ay kasalukuyang nasa kustodiya ng San Vicente MPS para sa kaukulang disposisyon at pagturn-over sa kanyang court of origin.